टिपरको ठक्करबाट हजुरबुबा र नातिनीको मृ’त्यु भएपछि विराटनगर-विराटचाेक सडक खण्डमा तनाव भएको छ । मंगलबार राति साढे ९ बजे विराटनगर– १९ मिलनचोकमा टिपरले अटोलाई ठक्कर दिँदा एकै परिवारका दुई जनाको मृ’त्यु भएपछि तनाव उत्पन्न भएको हो ।

विराटचोक–घिनाघाट सडकखण्डमा विराटनगरतर्फ आउँदै गरेको को १ ख २९१७ नम्बरको टिपरको ठक्करबाट ४५ वर्षीय बाबुराम सरदार र उनकी नातिनी ६ वर्षीया सविता सरदारको मृ’त्यु भएको थियो ।

पूर्वतर्फ जाँदै गरेको प्रदेश १–००२ ह ८६०६ नम्बरको अटोलाई टिपरले ठक्कर दिँदा अटो चालक मोरङ ग्रामथान गाउँपालिका–२ बस्ने बाबुराम र उनको नातिनी सविताको घटनास्थलमै मृ’त्यु भएको थियो । एकै परिवारका दुई जनाको मृ’त्यु भएपछि बुधबार बिहानैदेखि स्थानीयले सडक अवरुद्ध गरेका छन् । ठूलो संख्यामा प्रहरी र सशस्त्र प्रहरी परिचालन भएको छ ।

दुर्घटना पछि आक्राेशित बनेका स्थानीय र आफन्तले मंगलबार राति नै टिपरमा आगजनी गरेका थिए । टिपर चालक जिल्ला सुनसरी रामधुनी नगरपालिका–५ का ३३ वर्षीय हरेराम चौधरीलाई प्रहरीले नियन्त्रणमा लिएको छ ।

कमेन्ट गर्नुहोस्

सम्बन्धित समाचार