images
   ३१ भाद्र २०७६, मंगलवार १४:४२  
image

माडी नगरपालिकामा रहेका अधिकांश खोलामा पानीको बहाव बढेपछि माडी–ठोरी हुलाकी सडक अवरुद्ध भएको छ । रातिदेखि नै परिरहेको वर्षाका कारण खोला बढेर सडक अवरुद्ध भएको हो । इलाका प्रहरी कार्यालय माडीका प्रमुख प्रहरी निरीक्षक हर्क विश्वकर्माका अनुसार मगई, वगई, घाँघर, रतनेलगायत अधिकांस खोलामा पानीको बहाव बढेको छ ।

बिहानैदेखि खोला बढेपछि गन्तव्यमा हिँडेका सवारीसाधन रोकिएका छन् । माडीका अधिकांस खोलामा पक्की पुल निर्माणाधिन अवस्थामा छन् । सडक अवरुद्ध भएसँगै सदरमुकाम भरतपुरको माडी र ठोरीसँग यातायात सम्बन्धविच्छेद भएको छ ।

यसैविच माडी नगरपालिकाले आज सूचना जारी गर्दै नगरवासीलाई सुरक्षित रहन आग्रह गरेको छ । केही ठाँउमा डुवान भएको र क्षति पुगेको भन्दै नगरपालिकाले सचेत रहन आग्रह गरेको हो ।